കോഴി കുഞ്ഞുങ്ങളെ സർക്കാർ ഫാമുകളിൽ നിന്നും വാങ്ങാം...?

സർക്കാർ ഫാമുകളിൽ നിന്നും കോഴി കുഞ്ഞുങ്ങളെ  വാങ്ങാം,  

നല്ലയിനം കുഞ്ഞുങ്ങളെ ലഭിക്കുന്ന വിവിധ ജില്ലകളിലെ ഏതാനും വിലാസങ്ങൾ താഴെ കൊടുത്തിരിക്കുന്നു .

ജില്ലാ പൗള്‍ട്രിഫാം, ആതവനാട്, മലപ്പുറം: 7034402943 .

റീജണല്‍ പൗള്‍ട്രിഫാം, ചാത്തമംഗലം, കോഴിക്കോട്  ഫോണ്‍ : 04952287481 .

റീജണല്‍ പൗള്‍ട്രിഫാം, മുണ്ടയാട്, കണ്ണൂര്‍: 04972721168 .

വെറ്ററിനറി സര്‍വകലാശാല  മണ്ണുത്തി പൗള്‍ട്രിഫാം  04872371178, 2370117 .

തിരുവാഴാംകുന്ന് ഏവിയന്‍ സയന്‍സ് കോളേജ്  04924 208206  .

റീജണല്‍ പൗള്‍ട്രിഫാം, കുടപ്പനക്കുന്ന്, തിരുവനന്തപുരം.  ഫോണ്‍: 0471 2730804 .

ജില്ലാ ടര്‍ക്കിഫാം, കുരീപ്പുഴ, കൊല്ലം: 0474 2799222. .

സെന്‍ട്രല്‍ ഹാച്ചറി, ചെങ്ങന്നൂര്‍, ആലപ്പുഴ. 04792452277 .

താറാവ് വളര്‍ത്തല്‍കേന്ദ്രം, നിരണം, പത്തനംതിട്ട. 0469 2711898. .

റീജണല്‍ പൗള്‍ട്രിഫാം, മണര്‍ക്കാട്, കോട്ടയം. 04812373710 .

ജില്ലാ പൗള്‍ട്രിഫാം, കോലാനി, ഇടുക്കി. 04862221138 .

റീജണല്‍ പൗള്‍ട്രിഫാം, കൂവപ്പടി, എറണാകുളം 04842523559.

റീജണല്‍ പൗള്‍ട്രിഫാം, മലമ്പുഴ, പാലക്കാട്. 04912815206

കോഴികളെ വളർത്തുന്നവർക്കായി കുറച്ചു കിടിലൻ ടിപ്സ് !!

കുറച്ചു നാടൻ പരിചരണ രീതി. 

വളർത്താനുള്ള കോഴിക്കുഞ്ഞുങ്ങളെ തിരഞ്ഞെടുക്കുമ്പോളും അവയ്ക്കു നൽകുന്ന തീറ്റ കാര്യത്തിലും വളരെയേറെ ശ്രദ്ധവേണം. അതുപോലെ വളരെ ഏറെ ശ്രദ്ധിക്കേണ്ട കാര്യമാണ് കോഴികൾക്ക് അസുഖങ്ങൾ വന്നാലുള്ള ചികിത്സ. കോഴികൾക്ക് നൽകാവുന്ന ചില നാടൻ  ചികിത്സ നോക്കാം

1.കോഴികൾക്ക് വിരശല്യം ഉണ്ടായാൽ കച്ചോലവും വെളളുളളിയും തുളസിയിലും ചതച്ച് നീരെടുത്ത് കൊടുക്കുക.പപ്പായ ഇല കൊടുക്കുന്നതും നല്ലതാണ്. 

2.കോഴികൾക്ക് വസന്തയോ ദഹനക്കേടോ വന്നാൽ ചുവന്നുള്ളി ചതച്ച നീര് എടുത്തു കൊടുക്കുക.

3.കോഴികുഞ്ഞുങ്ങൾ തമ്മിൽ കൊത്താതിരിക്കാൻ ഇറച്ചി അരിഞ്ഞ് കൊടുക്കുക. മുട്ട തൊണ്ട് പൊടിച്ചിട്ട് കൊടുകാം. 

4.കോഴിയുടെ മുട്ട ഉൽപ്പാദനം കുറഞ്ഞാൽ പപ്പായയുടെ ഇല അരിഞ്ഞ് കൊടുക്കുക മുട്ടയിടീൽ മെച്ചപ്പെടും.

5.കോഴികളുടെ ചിറക് പൊന്തിച്ച് നടക്കുന്ന അസുഖത്തിന് ഉള്ളി അരിഞ്ഞിട്ട് തിറ്റിക്കുന്നത് നല്ലതാണ്.

6.കോഴികൾക്ക് ഇടയ്ക്കിടെ പുളിയരിപ്പൊടി കൊടുത്താൽ അവയുടെ ശരീരത്തിൽ നെയ്യ് കെട്ടുന്നത് ഒഴിവാക്കാം.

7.കോഴിക്ക് ശരീരത്തിൽ മുറിവുണ്ടായാൽ അടുക്കളയിലെ പുകമൂലം ഉണ്ടാകുന്ന കരിയും പച്ചമഞ്ഞളും ചേർത്ത് അരച്ച് പുരട്ടുക.

8.കോഴിക് തീറ്റ തിന്നിട്ടു അത് ദഹികാതെ  വന്നാൽ ഇഞ്ചി ചതച്ചു അതിന്റ നീര് കൊടുക്കുന്നത് നല്ലതാണ്. 

9.ചക്കക്കുരു പുഴുങ്ങി പ്പൊടിച്ച് കൊടുത്താൽ കോഴികൾ കൂടുതൽ മുട്ടയിടും മുട്ടയുടെ വലിപ്പവും കൂടും.

10.കോഴിയുടെ തലയിലെ പുണ്ണ് രോഗത്തിന് വേപ്പിലയും പച്ചമഞ്ഞളും കല്ലുപ്പുംകൂടി  അരച്ചിടുക.

11.ഉഷാറില്ലാതെ തൂങ്ങി നിൽക്കുന്ന കോഴികൾക്ക് മഞ്ഞളരച്ച് വായിലിട്ട് കൊടുക്കുക. 

12.കോഴികൾ തമ്മിൽ കൊത്തിയുണ്ടാകുന്ന മുറിവ് ഉണങ്ങുന്നതിന് മഞ്ഞളും ആര്യവേപ്പിലയും അരച്ച് രണ്ട് മൂന്ന് ദിവസം കൊടുക്കുക.

13.കോഴികൾക്ക് മാസത്തിൽ രണ്ട് തവണ വീതം പാൽക്കായം കലക്കി കൊടുത്താൽ ഒരു വിധമായ രോഗങ്ങളിൽ നിന്നെല്ലാം പ്രതിരോധം ലഭിക്കും.

14.തമ്മിൽ കൊത്തി കോഴികളുടെ കണ്ണടഞ്ഞ് പോയാൽ അപ്പ മരത്തിന്റെ കറ പുരട്ടുക.

15.കോഴികളുടെ ദേഹത്തിലെ ചെള്ള് പോകുന്നതിന് പുകയില കലക്കിയ വെള്ളം ഒഴിക്കുക.

16ചുണ്ണാമ്പ് വെള്ളത്തിന്റെ തെളിയിൽ കക്ക ചേർത്ത് കോഴികൾക്ക് കൊടുത്താൽ കാൽസ്യത്തിന്റെ കുറവ് മൂലം ഉള്ള അസുഖങ്ങൾ പരിഹരിക്കാം.

17.കോഴി വസന്ത വന്നാൽ കുടകൻ അരച്ച് വായിലിട്ട് കൊടുക്കുക.

മഴയും മുട്ടയുൽപാദനവും തമ്മിൽ ചില ബന്ധങ്ങളുണ്ട്.... ?

ഈയിടെയായി കോഴികൾക്കും താറാവുകൾക്കുമൊക്കെ മുട്ട വല്ലാതെ കുറയുന്നു എന്ന വിഷമവുമായി ഒരുപാട് കർഷകർ വിളിക്കുകയും നേരിട്ട് കാണുകയും ചെയ്തിരുന്നു. തുടർച്ചയായി മഴ പെയ്യുന്ന ദിവസങ്ങളിലാണ് മുട്ട തീരെ ലഭിക്കാത്തത് എന്നാണ് പ്രധാന പരാതി. ശരിയാണ്... മഴയും മുട്ടയുൽപാദനവും  തമ്മിൽ ചില ബന്ധങ്ങളുണ്ട്. അത് എന്തൊക്കെയാണെന്ന് നോക്കാം.

1. വെളിച്ചം നിർബന്ധം 

കോഴികൾക്കും താറാവിനും കാടയ്ക്കുമൊക്കെ  മുട്ടയുൽപാദനത്തിനു ഒരു ദിവസം 16 മണിക്കൂർ എന്ന കണക്കിന് വെളിച്ചം ആവശ്യമാണ്. എന്നാൽ, തുടർച്ചയായി മഴപെയ്യുന്ന അവസരങ്ങളിൽ4  പകൽ വെളിച്ചം തുലോം കുറവായിരിക്കും. മുട്ടയുൽപാദനത്തിനു ആവശ്യമായ ഹോർമോൺ പ്രവർത്തനത്തിനും മറ്റും വെളിച്ചം ആവശ്യമായതിനാൽ മുട്ടക്കോഴികളുടെ കൂട്ടിൽ സിഎഫ്എൽ, ട്യൂബ് എന്നീ ഫ്ലൂറസന്റ് ബൾബുകൾ ഉപയോഗിക്കണം. രാവിലെ 5 മണി മുതൽ രാത്രി 9 മണി വരെ എന്ന സൗകര്യപ്രദമായ സമയത്ത് ഇത്തരത്തിൽ വെളിച്ചം നൽകാം. പകൽ വെളിച്ചം ലഭ്യമാകുന്ന മുറയ്ക്ക് പകൽ സമയത്ത് ബൾബുകൾ അണയ്ക്കാവുന്നതാണ്.

2. ഊർജം കൂടിയ സമീകൃത തീറ്റ 

മഴയും തണുപ്പുമുള്ള സമയങ്ങളിൽ തീറ്റയിൽനിന്ന് ലഭിക്കുന്ന ഊർജത്തിന്റെ ഭൂരിഭാഗവും ശരീരതാപനില നിയന്ത്രിക്കാനാണ് കോഴികൾ ചെലവാക്കുന്നത്. അതിനാൽ ഇത്തരം സന്ദർഭങ്ങളിൽ  തീറ്റ കൂടുതൽ കഴിക്കുകയും,  ഊർജം കൂടിയ തീറ്റ ആവശ്യമായി വരികയും  ചെയ്യും. സാധാരണ കൂടുകളിൽ വയ്ക്കുന്ന തീറ്റപ്പാത്രങ്ങളേക്കാൾ കൂടുതൽ പാത്രങ്ങൾ വയ്ക്കുന്നതും, തീറ്റസ്ഥലം അധികമായി നൽകാവുന്നതുമാണ്. ധാന്യങ്ങൾ അധികമായി നൽകുന്നതും,  തീറ്റയിൽ അൽപം വെളിച്ചെണ്ണയോ സൂര്യകാന്തി എണ്ണയോ തൂകി നൽകുന്നതും ഊർജം അധികമായി ലഭിക്കാൻ  അഭികാമ്യമാണ്‌. കൂടാതെ ശുദ്ധമായ മീൻ അവശിഷ്ടങ്ങൾ നൽകുന്നതും മുട്ട ഉല്‍പാദനം കൂടാൻ സഹായിക്കും. പഴകിയതോ,  കട്ടപിടിച്ചതോ,  പൂപ്പൽ മണമുള്ളതോ ആയ തീറ്റ ഒരുകാരണവശാലും നൽകരുത്. അഫ്ലാടോക്സിൻ ബാധ മൂലം മുട്ട കുറയാനും,  കരൾ വീക്കം വന്നു കോഴികളും, താറാവുകളുമൊക്കെ ചാകാനുമുള്ള പ്രധാന കാരണങ്ങളിലൊന്ന് പഴകിയതോ, ഈർപ്പം തട്ടിയതോ ആയ തീറ്റ നൽകുന്നതാണ്.

(Courtesy: shaju poulose, saif initiative, thsr.]

3. മൗൾട്ടിങ് 

കോഴികളിൽ പഴയ തൂവലുകൾ പൊഴിഞ്ഞ് പോയി പുതിയവ വരുന്ന പ്രതിഭാസമാണ് മൗൾട്ടിങ്. ഈ കാലയളവിൽ തൂവലുകൾ കണ്ടമാനം പൊഴിയുകയും,  മുട്ടയുൽപാദനം പൂർണമായി നിൽക്കുകയും ചെയ്യും. മഴക്കാലത്തു  തീറ്റയുടെ അളവു കുറയുകയോ,  വെളിച്ചക്കുറവോ ഒക്കെ മൗൾട്ടിങിന് ആക്കം കൂട്ടും.

കൃത്യമായ അളവിൽ  തീറ്റ നൽകുകയും,  കൂടുകളിൽ ആവശ്യത്തിന് വെളിച്ചം നൽകുകയും ചെയ്‌താൽ മൗൾട്ടിങ് ഒരു പരിധി വരെ ഒഴിവാക്കാനാകും. സാധാരണഗതിയിൽ അത്യുൽപാദന ശേഷിയുള്ള  കോഴികളിലും,  സങ്കരയിനങ്ങളിലും ഒരു വർഷത്തെ ഉൽപാദനത്തിന് ശേഷം മാത്രമാണ്  മൗൾട്ടിങ് സാധ്യത എന്നത് കൂടി ഓർക്കേണ്ടതാണ്. 

4. ലിറ്റർ ഗുണമേന്മ പ്രധാനം 

കോഴികളെ വളർത്തുന്ന വിരിപ്പ് (ലിറ്റർ) മഴക്കാലത്തു നനഞ്ഞു കട്ടപിടിക്കാതിരിക്കാൻ  പ്രത്യേകം ശ്രദ്ധിക്കണം.  25-30 ശതമാനം ഈർപ്പം മാത്രമേ ലിറ്ററിന് പാടുള്ളൂ. ഈർപ്പം കൂടുതലുള്ള ലിറ്റർ പെട്ടെന്ന് കട്ട പിടിച്ച് കേക്ക് പരുവമാകും. അത് കൂടുകളിൽ അമോണിയ ഗന്ധം രൂക്ഷമാകാനും,  ബ്രൂഡർ ന്യുമോണിയ പോലുള്ള ഫംഗൽ  രോഗങ്ങൾക്കും കാരണമാകും. ലിറ്റർ ഈർപ്പമുള്ളതായി തുടരുകയാണെങ്കിൽ  കുഞ്ഞുങ്ങളിലും, വളരുന്ന കോഴികളിലും രക്താതിസാരത്തിന്  സാധ്യത ഏറെയാണ്. കൂടാതെ  CRD,  ഫൗൾ കോളറ, കോറൈസ എന്നീ രോഗങ്ങൾ പിടി പെടാതിരിക്കാനും ലിറ്റർ ക്വാളിറ്റിയിൽ പ്രത്യേക ശ്രദ്ധ  വേണം. ഈർപ്പം കൂടിയ ലിറ്റർ ശ്രദ്ധയിൽപെടുകയാണെങ്കിൽ 10 ചതുരശ്ര മീറ്ററിന്  ഒരു കിലോ എന്ന അളവിൽ കുമ്മായം ചേർത്ത് ലിറ്റർ നന്നായി ഇളക്കി കൊടുക്കേണ്ടതാണ്.

5. ശുദ്ധമായ കുടിവെള്ളം 

മഴക്കാലത്തെ ഏറ്റവും പ്രധാന വെല്ലുവിളിയാണ് ശുദ്ധമായ കുടി വെള്ള ലഭ്യത.  മഴയും വെള്ളപ്പൊക്കവും മൂലം കുടിവെള്ളത്തിൽ ഇ-കോളി ബാക്ടീരിയയുടെ അളവ് കൂടാൻ സാധ്യതയുണ്ട്. തിളപ്പിച്ചാറ്റിയതോ, അണു നാശിനിയോ,  ബ്ലീച്ചിങ് പൗഡറോ കലർത്തിയ വെള്ളം മാത്രം കുടിക്കാൻ കൊടുക്കുക എന്നതാണ് ഇതിൽ നിന്ന് രക്ഷപ്പെടാനുള്ള  ഏക പോംവഴി. മിക്കവാറും ഫാമുകളിൽ മുട്ടയുൽപാദനം കുറയാനും മരണനിരക്ക് കൂടാനുമുള്ള  പ്രധാനപ്പെട്ട കാരണങ്ങളിലൊന്ന്  കുടിവെള്ളത്തിലൂടെയുള്ള കോളിഫോം ബാധയാണ്.

ഓർക്കുക തുടർച്ചയായി പെയ്യുന്ന  മഴ വളർത്തു പക്ഷികൾക്കും,  മൃഗങ്ങൾക്കുമെല്ലാം നമ്മളെക്കാളും വലിയ സമ്മർദ്ദ കാലമാണ്. മേൽപ്പറഞ്ഞ കാര്യങ്ങൾ പ്രത്യേകം ശ്രദ്ധിച്ചാൽ  വളർത്തു പക്ഷികളുടെ ആരോഗ്യം സംരക്ഷിക്കാനും,  ഉൽപാദനത്തിൽ കുറവ് വരാതിരിക്കാനും സാധിക്കും.