കൃഷിത്തോട്ടത്തിൽ കീടങ്ങളെ തുരത്തുന്നതിന്....?

മഞ്ഞക്കെണിയും, ഫിറമോൺ കെണിയും നാം തോട്ടത്തിന്റെ പല ഭാഗത്തായി വയ്ക്കാറുണ്ട്. ഞാനും അങ്ങനെയാണ് ചെയ്തിരുന്നത്. എന്നാൽ നമ്മുടെ കൃഷിത്തോട്ടത്തിൽ നാം ചെയ്യുന്ന വലിയൊരു തെറ്റാണിത്. വെള്ളിച്ച ശല്യം ഉണ്ടാകുന്നതിന് മുൻപേ തോട്ടത്തിന്റെ നാലു അതിരുകളിലും മഞ്ഞ കെണി വയ്ക്കുക. അപ്പോൾ കൃഷിയിടത്തിന് പുറത്ത് നിന്നും, അകത്തു നിന്നും എത്താനിടയുള്ള വെള്ളീച്ചകളും മറ്റു ചില കീടങ്ങളും കൂടുതലായി മഞ്ഞ കെണിയിൽ അകപ്പെടും.കടുംമഞ്ഞ നിറത്തിലുള്ള പ്ലാസ്റ്റിക് ഷീറ്റിന്റെ ഇരുവശത്തും ഓട്ടോമൊബൈൽ ഷോപ്പിൽ കിട്ടുന്ന വൈറ്റ് ഗ്രീസ് പുരട്ടി മഞ്ഞ കെണി ഉണ്ടാക്കുക. ഒരാഴ്ച മഴ പെയ്താലും കണിയുടെ ഒട്ടി പിടിക്കാനുള്ള കഴിവ് നഷ്ടപ്പെടുകയില്ല.കയീച്ചകളെ നിയന്ത്രിക്കുന്നതിന് പെൺപൂക്കൾ വിരിഞ്ഞ് തുടങ്ങുമ്പോൾ ഫിറമോൺ കെണിവച്ചാൽ അതിൽ പെണ്ണിച്ചകൾ മാത്രമാണ് വീഴാറുള്ളത്. ഫിറമോൺ കെണികൾ തോട്ടത്തിന്റെ അതിരുകളിൽ വയ്ക്കുന്നതാണ് നല്ലത്. ഫിറമോണിനൊപ്പം തുളസിയില നീര് ,യീസ്റ്റ് കലർത്തിയ പൈനാപ്പിൾ നീര് ഇവയിൽ ഏതെങ്കിലും ഉപയോഗിച്ചാൽ ആണീച്ചകളും ഈ കെണിയിൽ അകപ്പെടും.പൂവിട്ട് തുടങ്ങുന്നതിന് മുൻപ് തന്നെ ഫിറമോൺ കെണി തോട്ടത്തിൽ വയ്ക്കേണ്ടതാണ്.